Rusiya Prezidenti Vladimir Putinin beynəlxalq səfərləri planlaşdırılır.
APA-nın Moskva müxbiri xəbər verir ki, bunu Kremlin mətbuat katibi Dmitri Peskov bildirib.
“Biz bu barədə sizə vaxtında məlumat verəcəyik. Məlum səbəblərə görə biz bunu əvvəlcədən açıqlamaq istəmirik”, - Kremlin sözçüsü Beynəlxalq Cinayət Məhkəməsinin mart ayında verdiyi orderi nəzərə alaraq prezidentin səfərlərinin planlaşdırılıb-planlaşdırılmaması sualına cavabında deyib.
Qeyd edək ki, Kreml Haaqa məhkəməsinin məlum qərarını qəbuledilməz və hüquqi cəhətdən etibarsız adlandırıb.