Onlayn qəzet

Digər kateqoriyalar

Qlobal istiləşmə ehtimalı: Zaman daralır...

03:28 07.02.2024 Cəmiyyət 884
Alimlər insan amilindən qaynaqlanan qlobal istiləşmənin ehtimal edildiyindən daha erkən başladığını müəyyən edib. “Sherg.az” NTV.com.tr”yə istinadən bildirir ki, alimlər təşviş içindədir. Onlar dünya üçün zamanın daraldığı xəbərdarlığı edir. Avstraliya və ABŞ-nin iqlim tədqiqatçıları son 300 ildə okeanda və havada temperatur dəyişikliyini müəyyən etmək üçün Karib dənizindəki dəniz süngərləri üzərində tədqiqat aparmağa başlayıblar. Tədqiqat zamanı iqlim dəyişikliyinin fərz edildiyindən daha erkən başladığı məlum olub. Tədqiqatçılar heyrətlə müəyyən edib ki, qlobal istiləşmə 1,5 santigrat dərəcədə saxlanılma hədəfini çoxdan aşıb. Yer kürəsində temperatur sənaye inqilabı dövründən bu yana 1,7 dərəcə yüksəlib. Alimlər qlobal istiləşməyə əlac tapılması məsələsində “zamanın tükənməyə başladığını” həyəcanla xəbər verir. Qərbi Avstraliya Univeristetində dəniz geo-kimyaçısı Malkolm Mak Kulloç və ABŞ-nin İndiana Əyalət Universitetinin oşinografı Amos Vintə tədqiqatlar haqqında “The Associated Press”də açıqlama ilə çıxış edib. Mak Kulloç və Vintə Hökumətlərarası İqlim Dəyişikliyi Panelində çıxışları zamanı qlobal istiləşmənin təxmin ediləndən daha öncə başlamasının məntiqli olduğunu qeyd ediblər. Və bunu sənaye inqilabının 1800-cü illərin ortalarında başlaması ilə izah ediblər. Zamanın tükəndiyinə dair xəbərdarlıq edən alimlər əldə etdikləri nəticələrin iqlim dəyişikliyinin sürətlənməsi mülahizəsini dəstəklədiyini bildiriblər. Nümunə olaraq tədqiqata cəlb olunmuş dəniz süngərlərindən birinin yaşının 320-dən artıq olduğuna işarə edən tədqiqatçılar bu süngərlərin sənaye inqilabı dönəmindəki mexanizmlərdən daha yaxşı ölçü aləti olduğunu, süngərlərin dəniz mərcanları, buz çəyirdəkləri və ağac halqalarından toplanan nümunələrlə müqayisə edildiyini bildiriblər. Alimlər bildirib ki, bu süngərlərə yalnız Karib dənizi hövzəsində rast gəlinir və onlar “El Nino” və “La Nina” kimi isti və soyuq axınlardan çox da təsirlənmirlər. Lakin bəzi alimlər tədqiqatların yalnız bir dəniz hövzəsi canlıları üzərində deyil, digər dənizlərdə də aparılmasının və ancaq belədə qlobal istiləşmə ilə bağlı daha dəqiq nəticələr əldə edilə biləcəyi fikrindədir.

Oxşar xəbərlər

Pezeşkian Xəzər dənizi ilə bağlı xəbərdarlıq etdi
Pezeşkian Xəzər dənizi ilə bağlı xəbərdarlıq etdi
17:35 08.10.2026
Azərbaycanda bu il uşaqlara ən çox qoyulan adlar məlum oldu - SİYAHI
Azərbaycanda bu il uşaqlara ən çox qoyulan adlar məlum oldu - SİYAHI
17:33 08.10.2026
Dövlət Statistika Komitəsinə yeni sədr müavini təyin edilib
Dövlət Statistika Komitəsinə yeni sədr müavini təyin edilib
15:31 08.10.2026
Sabunçuda hərəkət qismən məhdudlaşdırılacaq
Sabunçuda hərəkət qismən məhdudlaşdırılacaq
21:37 07.10.2026
Uşaqlarda zorakılıq riskinə diqqət: Ailələr hansı dəyişiklikləri ciddi qəbul etməlidir?
Uşaqlarda zorakılıq riskinə diqqət: Ailələr hansı dəyişiklikləri ciddi qəbul etməlidir?
17:11 07.10.2026
Azərbaycana casusluqda ittiham olunan sabiq kəşfiyyat rəhbəri ilə bağlı yeni detallar
Azərbaycana casusluqda ittiham olunan sabiq kəşfiyyat rəhbəri ilə bağlı yeni detallar
16:56 07.10.2026

Xəbər lenti

Hamısına bax