"Ermənistan islamofobiyanın vətənidir".
Sherg.az-ın məlumatına görə, bunu Milli Məclisin deputatı Qaya Məmmədov "Dəyişən dünyada İslam mədəni irsinin qorunması" panelində deyib.
O, Birləşmiş Millətlər Təşkilatına daxil olan bir çox dövlətlərdə qəbul edilən antiislam qətnamələrinə diqqət çəkib:
"Azərbaycanın Ermənistanda qalan mədəni irsinin bərpası çox önəmlidir. Biz İslam Konfransı Təşkilatının BMT-də iki qətnamənin qəbuluna nail olmuşuq. Ksenofobiya qəbuledilməz olması ilə bərabər, həm də insan hüquqlarının pozulması deməkdir. Bir faktı da qeyd etmək yerinə düşər ki, BMT-yə üzv olan bir çox dövlətlərdə antiislam xarakterli qətnamələr qəbul edilib. Mən onun da şahidi olmuşam ki, Ermənistan islamofobiyanın vətənidir. Orada vaxtilə azərbaycanlılar yaşayıb, sonra isə deportasiya olunub. Buna rəğmən, BMT Ermənistanı bir dövlət kimi qəbul edib. Heç bir müsəlman ölkəsində bizim başımıza gələn hadisə olmayıb ki, bir xalq bütövlükdə öz ərazilərindən deportasiya olunsun və orada başqa bir dövlət yaradılsın. Eyni zamanda, təqribən 2 milyon insan Ermənistandan qovulub, azərbaycanlıların dəfn olunduğu 500-dən çox məzarlıq məhv edilib. Ermənistandakı mədəni irsimizin bərpası sayəsində biz etnik qeyri-bərabərsizliyi də aradan qaldıra bilərik. Hazırda monoetnik dövlət olan Ermənistan buna azərbaycanlıların öz tarixi torpaqlarından qovulması ilə nail olub. Biz Ermənistan cəmiyyəti ilə dialoq qurmaq istəyirik. Onu gözləyirik ki, Ermənistandakı mədəni irsimizin vəziyyətinin qiymətləndirilməsi üçün şərait yaradılsın".
