"Ölkəmizin potensalı, imkanları getdikcə artmaqdadır"
"Nyu-Yorkda dünyanın nüfuzlu şirkətlərinin Azərbaycan prezidenti ilə görüşə xüsusi maraq göstərməsi bir daha onu göstərir ki, Azərbaycana dünyada böyük etimad var".
Bu barədə millət vəkili Ceyhun Məmmədov "Sherg.az"a deyib.
Deputat bildirib ki, Azərbaycanın Vətən müharibəsində öz qələbəsini təmin etməsi ölkəmizin nüfuzunu daha da artırıb:
"Dünyanın bir çox nüfuzlu şirkətlərinin rəhbərləri cənab Prezidentlə görüşə can atırlar. Bu şirkətlər sıradan təşkilatlar deyil. Onlar Azərbaycanın gündən-günə inkişafını görərək ölkəmizlə əlaqələri daha da möhkəmləndirməyə, gücləndirməyə çalışırlar. Bugün Azərbaycan müxtəlif sahələrdə öz imkanlarını, uğurları atrırmaqdadır. İnnovasiya, logistika sahəsində inkişaf göz önündədir. Yeni hava limanları inşa olunur, yeni strukturlar yaradılır, yeni layihələr icra olunur. Azərbaycana dünyada böyük etimad var Bütün bunlar ölkəmizi dünyada maraqlı edir".
Parlament üzvü qeyd edib ki, Azərbaycanın potensalı, imkanları getdikcə artmaqdadır:
"O baxımdan dünyanın aparıcı ölkələri və nüfuzlu şirkətləri Azərbaycanla əməkdaşlıqda maraqlıdırlar. Dövlət başçısının qeyd etdiyi ki, Azərbaycan müxtəlif investsiya layihələrini həyata keçirir. Çin və BƏƏ, ABŞ şirkətləri Azərbaycana investisiya yatırımında istəklidirlər. Bunların hamısı Azərbaycanın daha çox güclənməsinə, möhkəmlənməsinə, inkişafına yönəlib".
