Əməkdar artist Nüşabə Ələsgərli Novruz tətilində Belçikada yaşayan qızı Nigarın ailəsi ilə birgə Bakıya gəldiyini bildirib.
Bu haqda sənətçi qonaq olduğu "Qonaqcanlı" verilişində danışıb.
"Qızım Nigar, onun həyat yoldaşı Gino, nəvəm hətta oğlum da Bakıya gəlmişdi. Qızım ailəsi ilə 25 gün Bakıda qaldılar. Amma oğlum hələki yanımdadır. Nəvəmi sığallamaq nədir... Uşaqların xüsusi qoxusu olur. Nəvəmin üzünü, boynunu iyləyirdim. Elə bilirdim ki, dünya mənimdir. Nəvəm elə bil ki, balaca mələkdir. O, evimizin mələyidir. Onun üçün çox darıxıram. Nəvəmin bir neçə paltarını özümdə saxlamışam. Arada bir onları iyləyirəm", - deyə Nüşabə vurğulayıb.
Proqramın aparıcısının "Oğlunuzu niyə evləndirmisiniz? Avropalı gəlin istəyərsiniz?" sualına Ələsgərlinin cavabı belə olub:
"Oğlum martın sonu Avropaya qayıdacaq. Oğlumu evləndirmək, bu könül məsələsidir. Gərək o özü sevsin sonra da ailə qursun. Gərək özü istəsin. Avropalı gəlin olacaqsa olsun. Mən nə deyə bilərəm ki... Normal qarşılayacağam. Əsas odur ki, gənclər bir-birini sevsin, dəyər versinlər, yola getsinlər, mehriban ovə xoşbəxt olsunlar. İstəmərəm ki, oğlum bəzi xalqın nümayəndəsi ilə ailə qursun. O xalqın adını çəkmək istəmirəm. Amma Avropanın bəzi xalqları var ki, ailə dəyərləri məsələsində bizdən də yaxşıdır".
Qeyd edək ki, N.Ələsgərlinin qızı Nigar 2019-cu ilin dekabrında Gino adlı Türkiyə vətəndaşı ilə nişanlanıb, 2020-ci ildə isə ailə qurublar. Nigar Diasporla İş üzrə Dövlət Komitəsində çalışıb. (olay)
