Azərbaycan Respublikası ilə Ermənistan Respublikası arasında 2025-ci il avqustun 8-də Vaşinqtonda əldə edilmiş, Azərbaycanın əsas hissəsi ilə Naxçıvan Muxtar Respublikası arasında maneəsiz daşımaları təmin edəcək, regionun tranzit potensialını açacaq, sülh, sabitlik və firavanlığa töhfə verəcək kommunikası kanallarının açılması haqqında sazişin paraflanmasını alqışlayırıq.
Sherg.az xəbər verir ki, bu barədə Türk Dövlətləri Təşkilatının Dövlət Başçıları Şurasının 12-ci Zirvə görüşünün yekunlarına dair Qəbələ Bəyannaməsində bildirilir.
Sənəddə deyilir ki, liderlər üzv dövlətlərin Zəngəzur dəhlizinin fəaliyyətə başlaması və inkişafı üzrə davam edən səylərini dəstəklədiklərini ifadə edərək və Bakı-Tbilisi-Qars dəmir yolundan maksimum potensialından istifadə etmək öhdəliyini bir daha təsdiqləyərək, Transxəzər Beynəlxalq Şərq-Qərb Mərkəzi Dəhlizinin və Çin-Qırğızıstan-Özbəkistan dəmir yolunun, regionlararası əlaqələrinin gücləndirilməsini və Avropa və Asiya arasında ticarət yollarının şaxələndirilməsi baxımından əhəmiyyətini vurğulayıblar.
