ABŞ-da milli təhlükəsizlik səbəbiylə bağlanacağını nəzərdə tutan qanunun qüvvəyə minməsindən sonra bloklanan TikTok 12 saat sonra geri döndü. ABŞ-ın yeni prezidenti Donald Tramp TikTok-u almaq fikrinə açıq olduğunu bildirib.
Sherg.az Türkiyə mediasına istinadən xəbər verir ki, İnformasiya Texnologiyaları mütəxəssisi Prof. Dr. Əli Murat Kırık yaxınlaşan təhlükəyə diqqət çəkir. Murat Kırık təfərrüatları bu ifadələrlə paylaşıb:
"O, bütün medianın yeganə patronu olmağı hədəfləyir. Biz bunu xüsusilə ideoloji silah kimi görürük. ABŞ inhisarçılığı öz təsirini bir çox mediada hiss etdirirdi. Facebook, Instagram, WhatsApp, YouTube, X və s. vahid platforma altında inhisarçı quruluşa malik idi.
Baydenin vaxtında TikTok bir il ərzində bağlanacaq və ya ABŞ şirkətinə satılacaqdı. Yanvarın 20-də Donald Trampın prezident olması ilə TikTok rəsmilərinə əlavə 75 gün vaxt verildi. İctimai rəydə yanlış təsəvvür var. TikTok-un ABŞ-a satışının ləğv edildiyinə dair bir fikir formalaşıb. Lakin Tramp 365 günlük müddətə əlavə olaraq 75 gün də verdi.
Bu müddətdən sonra TikTok ya ABŞ şirkətinə satılacaq, ya da qadağan ediləcək. Bu o deməkdir ki, proqram yeniləndikdə o, mövcud olmayacaq və bütün dünyada qadağan olunacaq.
Onun ABŞ-da 170 milyon istifadəçisi var. Proqramın bazar dəyəri 50 milyard dollardır. Mask onu 44 milyard dollara alıb. Tramp iki ada diqqət çəkərək, “Elon Musk istərsə, yox demərəm" dedi və Oracle-ın keçmiş baş icraçı direktoru Larri Ellisona diqqət yönəltdi. İkisindən birinin bu medianı alacağı danışılır. TikTok,Çində casusluq fəaliyyəti və milli təhlükəsizlik problemi kimi ABŞ-da danışılırdı. İlk dəfə idi ki, Çin mediası ABŞ monopoliyasına qarşı çıxmışdı".
