Ermənistan və Türkiyə xüsusi nümayəndələri arasında Moskvada keçiriləcək ilk görüşün dəqiq tarixi açıqlanıb. Belə ki,Ermənitsanın Xarici İşlər Nazirliyinin mətbuat katibi Vaan Unanyan xüsusi nümayəndələrin ilk görüşünün yanvarın 14-də baş tutacağını bildirib.
Maraqlıdır,görüşdə hansı məsələlər müzakirə olunacaq? Mövzunu “Sherg.az”a şərh edən keçmiş xarici işlər naziri, politoloq Tofiq Zülfüqarov başlıca olaraq gündəmdə olan mövzuların müzakirəsinin gözlənildiyini deyib:
“Bura Ermənistan-Azərbaycan münaqişəsindən sonra tərəflər arasında sərhədlərin açılması, eləcə də İrəvan-İstanbul-İrəvan aviareysinin açılması kimi məsələlər daxildir. Qondarma soyqırım mövzusu da əsas istiqmətlərdən biri olacaq. Görüşə sayılı günlər qalsa da, indiki halda konkret nələrin müzakirə olunacağını təxmin etmək çətindir ”.
