"Qlobal bazarlarda hətta qonşu ölkələrin bazarları ilə yüksək rəqabət qabiliyyəti tələb olunur”.
Bunu Sherg.az-a Azərbaycan məsullarının xarici ölkələrə idxalı ilə bağlı danışarkən iqtisadçı-ekspert Vüqar Bayramov deyib.
O bildirib ki, bu gün üçün ənənəvi və yeni bazarlara baxsaq, hər ikisində rəqabətin tələb olunduğu görünür:
"Rəqabət qabiliyyətinin artırılması, yeni bazarlara məsulların çıxarılması ilə bağlı ölkə başçısı da tövsiyələrini verdi. Bir və ya azsaylı bazardan asılı olmaq arzuolunan deyil. Biz kənd təsərrüfatı məhsullarını əsasən Rusiya bazarlarına çıxarırıq. Amma artıq yeni bazarlar da var. Bazarların şaxələndirilməsi ona görə vacibdir ki, əgər hər hansı bazarda çətinlik yaransa, çıxış məhdudlaşsa, digər alternativlərdən istifadə etmək olur. Ənənəvi bazarlara və yeni bazarlara baxsaq, xüsusilə Körfəz ölkələri, yaxın gələcək üçün Avropa Birliyi və Asiya bazarları üçün alıcılıq qabiliyyəti daha yüksəkdir”.
Körfəz ölkələrində kənd təsərrüfatı mallarına tələbatın çox olduğunu söyləyən V. Bayramov deyib ki, bura çıxış imkanlarına ehtiyac var:
"Eləcə də digər bazarlara çıxışda rəqabət qabiliyyəti çox vacibdir. Rəqabət qabiliyyətinin artırılması, yüksək məsulların istehsal edilməsi təbii ki, qısamüddətli hədəf ola bilməz. Bu uzun zaman tələb edir. Amma proses ondan xəbər verir ki, azərbaycanlı sahibkarlar bu çıxış imkanlarını formalaşdırmağa çalışırlar. "Made in Azərbaycan” brendinin formalaşması da Azərbaycanın artıq yeni bazarlara çıxışını təmin etmək məqsədi daşıyır. Artıq Avropada aparıcı supermarket şəbəkələrində "Azərbaycan rəfi”nin yaradılması ilə bağlı danışıqlar yekunlaşdırılıb. Praktik olaraq bunun yaradılmasının məqsədi ondan ibarətdir ki, məhsullarımızı təqdim etmək mümkün olsun”.
Aysel Aslan
