"Azərsilah” ASC-nin əsas məqsədi ölkəmizdə istehsal olunan silah-sursatın, hərbi vasitələrin xarici ölkələrə satışını təşkil etməkdir”.
Bunu "Sherg.az”a açıqlamasında hərbi ekspert Azad İsazadə deyib.
Ekspert bildirib ki, məqsəd Azərbaycanda emal olunan yerli hərbi texnikaların dünya bazarına çıxışına nail olmaqdır:
"Silahlarımızın bu və ya digər formada dünya bazarlarında satılması, sərgilərdə tanıdılması Azərbaycan hərb sənayesinin inkişafına gətirib çıxaracaq.
Rəqabətə qoşulmağımız isə yeni növ silahların istehsalına və keyfiyyətinin yüksəlməsinə səbəb olacaq. Şübhəsiz ki, bu, həm də biznes sahəsi olduğu üçün silahlarımızın satışı ölkəmizə gəlir gətirəcək”.
Qeyd edək ki, Prezident İlham Əliyev yanvarın 14-də Müdafiə Sənayesi Nazirliyinin əsasında "Azərsilah” Açıq Səhmdar Cəmiyyətinin yaradılmasına dair fərman imzalayıb. Fərmana əsasən, müdafiə sənayesinin inkişafının dayanıqlılığını təmin etmək, Azərbaycanın regionda silah istehsal edən əsas sənaye mərkəzlərindən birinə çevrilməsinə nail olmaq məqsədilə "Azərsilah”ın yaradılmasına qərar verilib. "Azərsilah” ASC-nin yaradılması imkan verir ki, qeyri-neft sektorunun mühüm bir sahəsi kimi ölkəmizə valyuta gətirən bir struktura çevrilsin. Bu qurumun yaradılması ilə ölkəmizdə yeni silahlar istehsal olunacaq. Ayrı-ayrı ölkələrlə birgə silah istehsal edən müəssisələrin yaradılması, istehsal olunan silahların dünya bazarına çıxarılması ölkəmizə valyuta gətirilməsi ilə nəticələnəcək.
İsmayıl
