Ötən il Böyük Britaniyada avtomobil satışları Brexit prosesindəki qeyri-müəyyənliyinə görə son altı ildəki ən aşağı səviyyəyə düşüb.
AZƏRTAC xəbər verir ki, 2019-cu ildə Britaniyada satılan yeni avtomobillərin sayı 2013-cü ildən bu yana ən aşağı səviyyəyə düşüb.
İstehlakçıların dizel nəqliyyat vasitələrinə qoyduğu məhdudiyyətlər və Brexitə görə davam edən iqtisadi qeyri-müəyyənlik satışların aşağı düşməsinə səbəb olub. Britaniya yeni nəqliyyat vasitələri üçün Avropanın ikinci ən böyük bazarıdır.
Avtomobil istehsalçıları və ticarətçiləri cəmiyyətinin müvəqqəti məlumatlarına görə, yeni avtomobil qeydiyyatı 2019-cu ildə 2 faiz azalaraq 2,31 milyon olub. Bu 2016-cı ilin göstəricilərinə bərabərdir.
