"Paşinyanın istifadə etdiyi üsullar risklidir. Hazırda Ermənistanda siyasi böhran hökm sürür”.
Bunu "Sherg.az”a açıqlamasında politoloq Natiq Miri deyib.
Analitik bildirib ki, Ermənistan konstitusiyasına görə, parlamentdə iki dəfə baş naziri seçmək mümkün olmadıqda, bu, siyasi böhran sayılır. Nəticədə parlament buraxılır:
"Seçkinin baş tutmayacağı əvvəldən bəlli idi. Çünki yeganə namizəd Paşinyan idi və onun da namizədliyi qəbul edilmirdi. Digər siyasi qüvvələrin namizəd irəli sürməsinə isə imkan verilmirdi. Əlbəttə, bu o demək deyil ki, Paşinyana alternativ tapılmır, sadəcə reallıq odur ki, hər hansı müxalif partiya öz namizədini versə, hətta parlamentdə səs çoxluğu qazansa belə həmin şəxsin fəaliyyət göstərmək imkanı minimum olacaq.
Xatılayırsızsa, baş nazir parlamentin iclaslarından öncə tərəfdarlarına müraciət edərək onları yenidən küçələrə tökdü. Paşinyanın əsas məqsədi digər siyasi qüvvələrə dərs vermək, onlara gücünü göstərmək idi. Yəni mesaj verirdi ki, "əgər mənim əvəzimə başqasını dəstəkləsəniz, kütlələr meydanı yenidən dolduracaq və seçilən namizədin işləməsinə imkan verməyəcək. Baş nazir istəyinə nail oldu.
Ancaq siyasi təşkilatların kütlənin qorxusundan meydandan tamamilə kənara çəkilməsi Ermənistanda növbəti qarşıdurmaya və dərin böhrana səbəb olacaq. Belə məqamda Sarkisyan-Koçaryan birliyini təmsil edən qüvvələrin prosesə təsir gücü və baş verənlərdən dividend qazanmaq şansı sıfıra bərabərdir”.
İsmayıl
