"At, dovşan, pişik, delfin, it və s. heyvanlardan psixoterapiyada istifadə olunur”.
Bunu "Sherg.az”a psixoloq Narınc Rüstəmova söyləyib.
O vurğulayıb ki, xüsusilə ciddi psixoloji problemi olan xəstələrdə nəzarət mexanizmi itdiyindən, ibtidai dönəmə qayıtdığından bu cür metodlarla müalicə edilir:
"Burada onların bəsit ünsiyyət və emosiyaları üzə çıxır. Adətən belə insanlar özünə qapalı, ünsiyyət qura bilməyən insanlar olur. Bu hallarda itlərdən istifadə edilir.
Heyvanlarda ali deyil, ibtidai hisslər var. Məsələn, itin başına sığal çəkdikdə, sahibinin əl, ayağını yalayır, sərt davrandıqda, o da dişləyir, hürür. Xəstələr bu cür terapiya ilə emosiyalarını kontrol etməyi öyrənirlər. Hətta zoopsixologiya elmi də tədris olunur. Zəka geriliyi, ünsiyyət problemi olan uşaqların müalicəsində heyvanlardan çox istifadə olunur.
Ən çox məhəbbət dolu heyvanlar müalicədə istifadə olunurlar. Təbii ki, vəhşi heyvanları terapiyada istifadə edə bilmərik.
Şəhərdə yaşayan ailələr üçün ev heyvanlarını saxlamaq çətindir. Amma istənilən halda uşaqların terapiyası, psixoloji problemli xəstələrin müalicəsi üçün bu vacibdir”.
Qeyd edək ki, paytaxtın Maştağa qəsəbəsində yerləşən 1 saylı Respublika Psixiatriya Xəstəxanasından ümumi psixi xəstəliklərdən əziyyət çəkənlər itlər vasitəsi ilə müalicə edilir.
Aysel Aslan
