Cümhuriyyət Xalq Partiyası ilə İYİ Partiyası arasında bələdiyyə seçkiləri ilə bağlı razılaşma əldə edilib. Axar.az xəbər verir ki, CHP lideri Kamal Kılıçdaroğlu ilə İYİ başqanı Maral Akşənər arasında keçirilən görüşdə ittifaq qurulub.
Razılaşmaya əsasən, Ankara, İstanbul və İzmirdə CHP-nin namizədləri dəstəklənəcək. Ordu, Samsun, Trabzon, Manisa, Dənizli və Balıkəsir şəhərlərində isə CHP-nin namizədi olmayacaq və İYİ Partiyası namizədlərini irəli sürəcək.
***
Gözəl bir iş oldu. Bələdiyyə seçkiləri Türkiyə üçün çox əhəmiyyətlidir. Gözəl şeylər olacaq. Özümüzü Türkiyəyə həsr etdik.
Bunu CHP lideri Kamal Kılıçdaroğlu Akşənərlə əldə etdiyi razılaşma barədə danışarkən deyib.
"İnsanların bizdən gözləntiləri var. Türkiyə baharı yaxalayacaq", - Kılıçdaroğlu söyləyib.
