"Qazaxıstan prezidenti Nursultan Nazarbayev Novruz bayramı ərəfəsində istefasını elan etdi”.
Bunu "Sherg.az”a açıqlamasında politoloq İlqar Vəlizadə deyib.
Qazaxıstan prezidenti Nursultan Nazarbayevin gözlənilməz istefa qərarını şərh edən ekspert bildirib ki, bu tarixi addım, bahar bayramı və yenilənmə ərəfəsində dərin simvolik məna daşıyır:
"Nazarbayev öz adını xalqının tarixinə və postsovet məkanının tarixinə qızıl hərflərlə yazdırıb. O, çətin geosiyasi şəraitdə cəmiyyətdə sülh və sabitliyin qorunub saxlanmasına, Qazaxıstanın regionda lider ölkə kimi qurulmasına nail olub. Azərbaycan xalqı müasir Azərbaycan-Qazaxıstan münasibətlərinin qurulmasında və inkişafında bu şəxsin xidmətlərini heç zaman unutmayacaq.
Dağlıq Qarabağ münaqişəsinin həllində, regional və beynəlxalq siyasətin bütün əsas məsələlərində onun prinsipial mövqeyi Nazarbayevə milyonlarla insanın minnətdarlığını və hörmətini qazandırıb. Heç nə dayanmır, hər şey hərəkət və inkişaf edir. Qazaxıstan cəmiyyəti də inkişaf edir, dəyişir. Qazaxıstan xalqını Novruz bayramı münasibəti ilə təbrik edirəm, yenilənmənin qazax xalqına xoşbəxt və firavan həyat gətirməsini diləyirəm”.
İsmayıl
