"Türkiyənin Suriya ərazisində keçirdiyi əməliyyatlardan qaçan terrorçular Ermənistan ərazisinə keçirsə, onları məqsədyönlü şəkildə düşmən sərhədini qoruyan sərhədçilər buraxır”.
Bu barədə "Sherg.az”a PKK terrorçularının Afrindən Ermənistana qaçması haqqında yayılan məlumatlardan danışarkən analitik Arzu Nağıyev bildirib.
O xatırladıb ki, Türkiyə və Ermənistan sərhədində rus qoşunları dayanıb:
"Deməli, bu Rusiya ilə razılaşdırılmış məsələdir. Qorxulu məqam odur ki, qaçan PKK, PYD dəstələrinin nümayəndələri, terrorçular bir müddət sonra Qarabağda peyda olacaqlar. Ona görə, birmənalı şəkildə burada Rusiyanın rolu olduğunu düşünürəm.
Hərtərəfli tədbirlər görülməlidir. Məhz erməni politoloqlarının bu qədər ciddi şəkildə prosesləri şişirtməsi seçki ilə bağlı ictimai-siyasi rəyə təsir etmək məqsədi daşıya bilər. Gələcəkdə Serj Sarkisyana qarşı addım atmaq, seçki prosesində dəyişiklik yaratmaq üçün bu cür faktlardan istifadə oluna bilər.
Ermənistanda keçirilən hər seçki Dağlıq Qarabağ kartının üzərində qurulub. Ermənistanın "Qarabağ klanı” hakimiyyətdə qalmaq üçün belə vasitələrə əl atır”.
Qeyd edək ki, Ordu.az saytı "Jamanak” qəzetinə istinadən məlumat yayıb. Bildirilir ki, hazırda türkiyəli hərbçilərlə toqquşmalardan qaçan PYD/PKK terrorçuları, Türkiyə-Ermənistan sərhədini keçirlər. Ermənistan-Türkiyə sərhədini qoruyan rus hərbçilər onların ölkəyə girişinə mane olmurlar. Hazırda PYD/PKK terrorçularının Ermənistana qaçması davam edir.
Aysel Aslan
