Azərbaycanın Sankt-Peterburqdakı Baş konsulluğu metroda baş vermiş partlayış zamanı ölən və yaralananlar arasında Azərbaycan vətəndaşlarının olub-olmamasını araşdırır.
Baş konsulun sözlərinə görə, hazırda qurumun əməkdaşları yerli hakimiyyət orqanları ilə daimi təmasdadır.
Bunu Trend-ə Azərbaycanın Sankt-Peterburqdakı Baş konsulu Sultan Qasımov deyib.
Baş konsulun sözlərinə görə, hazırda diplomatik nümayəndəliyin əməkdaşları vətəndaşlarımız və həmvətənlərimizlə bağlı vəziyyəti aydınlaşdırmaq üçün yerli hakimiyyət orqanları ilə təmasdadır:
"İndiyədək azərbaycanlılarım xəsarət alması barədə məlumat daxil olmayıb".
--------
17:06
"İlkin məlumata görə, Sankt-Peterbuqrda metroda baş vermiş partlayış nəticəsində ölən və yaralananlar arasında azərbaycanlılar yoxdur".
Bu barədə Milli.Az-a Sankt-Peterburq Şəhər Polis İdarəsindən məlumat verilib.
Məlumata görə, baş vermiş partlayışın səbəbləri ilə bağlı araşdırmalar davam etdirilir.
Qeyd edək ki, saat təxminən 16 radələrində Rusiyanın Sankt-Peterburq şəhərində metronun "Sennaya ploşad" və "Texnologiçeskiy institut" stansiyalarında partlayış baş verib. İlkin məlumatara görə, terror aktı nəticəsində baş verən partlayış zamanı 10 nəfər ölüb, 50-dən çox yaralı var. Yaralılar arasında uşaqların da olduğu qeyd olunur.
Digər xəbərləri Azərbaycan dilində xüsusi Facebook səhifəmizdə izləyə bilərsiniz.
