Rusiyanın Sankt-Peterburqda şəhərində metro stansiyalarından ikisində partlayış baş verib.
Lent.az-ın Rusiya KİV-ə istinadən məlumatına görə, metronun "Texnologiya İnstitutu" və "Sennaya ploşad" stansiyalarında baş verən partlayışdan sonra tüstülənmə olub. Bildirilir ki, hadisə nəticəsində 10 nəfər ölüb, 50-dən çox yaralı var.
Rusiya mətbuatı onu da yazır ki, partlayışdan sonra "Çernaya reçka" stansiyası şübhəli predmet tapıldığı üçün bağlanılıb. Hadisə ilə bağlı Rusiya prezidentinə məruzə edilib.
