"Cənab Prezident İlham Əliyevə biz şəhid ailələri ilə görüşünə görə minnətdarıq. Mən ölkə başçısı ilə görüşümdə də bildirdim ki, bu, bir daha sübut edir ki, biz şəhid ailələri Prezident İlham Əliyev cənablarının daimi diqqətindədir”.
Sherg.az bildirir ki, bunu şəhid anası İbadət Əliyeva deyib. O, bildirib ki, dövlətimiz gündən-günə inkişaf edir, Vətənimiz, dövlətimiz möhkəmlənir, qüdrətlənir:
"Biz şəhid ailələri bunu gördükcə böyük qürur hissi keçiririk. Ordumuzun Aprel döyüşlərindəki qələbəsi mənə o qədər qürur verib ki, hətta özüm əlimə silah alıb bu döyüşlərə getmək istəyirdim. Hər dəfə Cocuq Mərcanlının inkişafını, bu qəsəbənin belə müasir tipli olmağını görəndə sevinirəm. İnanıram ki, bizim şəhid övladlarımızın qanı yerdə qalmayacaq, tezliklə işğalda olan torpaqlarımız azad olunacaq. Cənab Prezidentin siyasəti ilə bu baş verəcək. O gün uzaqda deyil. Şəhid ailəsi olaraq biz, digər şəhid anaları, ataları, şəhid yaxınları hər zaman ölkə başçısının diqqət və qayğısını görür. Prezidentimizə, birinci xanım Mehriban Əliyevaya bizə göstərilən qayğıya görə hər zaman minnətdarıq. Şəhid ailələrinə diqqət və qayğı bizim sosial təminatımızı yaxşılaşdırırı, yaşamımıza kömək olur. Bizə qayğı hər il çoxalır”.
Anar
