""Star” layihəsi Türkiyə və Azərbaycan qardaşlığının yeni uğurudur”.
Bunu "Sherg.az”a ötənlərdə Türkiyənin İzmir şəhərində "Star” neft emalı zavodunun açılış mərasimində Prezident İlham Əlievin səsləndirdiyi "Star Rafineri”nin açılışı timsalında biz birliyimizin, həmrəyliyimizin, dostluğumuzun əlamətini görürük” fikirlərini dəyərləndirərkən millət vəkili Aydın Hüseynov bildirib.
Onun sözlərinə görə, "Star” zavodunun açılışı bir daha onu göstərir ki, Türkiyə və Azərbaycan arasındakı bu dostluq, qardaşlıq hər sahədə olduğu kimi böyük layihələrdə də özünü göstərir:
"Bakı-Tbilisi-Qars, Bakı-Tbilisi- Ərzurum, Bakı-Tbilisi-Ceyhan, TANAP, TAP bütün bunların hər biri böyük və eyni zamanda uğurlu layihələrdir. Cənab prezidentimiz İlham Əliyev və Rəcəb Tayib Ərdoğan arasında olan dostluq münasibətləri iki ölkə arasındakı birilik və həmrəyliyi daha da möhkəmləndirir. Azərbaycanla Türkiyə arasındakı bu münasibət yalnız hər iki ölkə üçün yox, bütün region, bölgə üçün öz töhfəsini verir.
Adını sadaladığım Türkiyə və Azərbaycanın birgə fəalliyəti, təşəbbüsü ilə həyata keçrilən işlər bütün Avrasiya regionu üçün böyük layihələrdir. "Star” layihəsinə yatırılan 6.3 milyard dollar həcmində investisiya 1 il ərzində Türkiyənin yaranan kəsrinin bağlanması, yanacağının 20 faiz, dizel yanacağının 40 faiz, təyyarə yanacağının 100 faiz ödənməsi, 1100 nəfər insanın işlə təminatı deməkdir.
Azərbaycan üçün bu layihə zaman-zaman valyuta gətirən bir addımdır. İqtisadiyatımız üçün önəmli bir sahədir. "Star” layihəsi hər iki ölkənin həm münasibətlərini daha da möhkəmləndirəcək, həm də iqtisadiyyatını gücləndirəcək”.
Kənan Eynuroğlu
