"Bəzi KİV-lərdə və sosial şəbəkələrdə qiymət artımı ilə bağlı yayılan xəbərlər birbaşa qərəzdir”.
Bunu "Sherg.az” açıqlamasında "İki Sahil” qəzetinin baş redaktoru Vüqar Rəhimzadə deyib.
Baş redaktor bildirib ki, onların məqsədləri cəmiyyət arasında narazılıq yaratmaq, vətəndaşları çaşdırmaq, uydurma məlumatları yaymaqdır:
"O insanlar öz əməllərinə görə məsuliyyət daşıyırlar. Çünki dəfələrlə belə təxribatlara cəhd ediblər. Cinayət Məcəlləsində və Mülki Məcəllədə müəyyən maddələr var. Hesab edirəm ki, qiymət artımı ilə bağlı süni ajiotaj yaratmağa cəhd edənlər araşdırılıb tapılmalı və məsuliyyətə cəlb olunmalıdır. Nəzərə alaq ki, dünyanın bir çox ölkələrində ciddi şəkildə qiymət artımı müşahidə olunur. Azərbaycanda isə qiymətlərin artmasına imkan verilmir. Həm ərzaq məhsullarının, həm də sənaye mallarının qiyməti sabit saxlanılır.
Təəssüf ki, bəzi elektron KİV-lərdə və sosial şəbəkələrdə fəaliyyət göstərən yalan və qərəzli informasiyaları yaymağa cəhd edirlər. Ona görə də hamımız o cür qərəzli insanlara qarşı mövqe nümayiş etdirməliyik. Aidiyyatı qurumlar da pozucu əməllərlə məşğul olan şəxsləri üzə çıxarmalı və məsuliyyətə cəlb etməlidir”.
İsmayıl
