"Xocalı soyqırımının 27-ci il dönümü ilə bağlı təşkil olunmuş möhtəşəm yürüyüşdə cənab Prezident İlham Əliyevin arxasınca böyük bir xalq izdihamının hərəkət etməsi onun göstəricisidir ki, xalqın prezidentə çox böyük ehtimadı var”.
Bunu "Sherg.az”a BAXCP sədrinin müavini, QHT sədri Niyaməddin Orduxanlı deyib.
Partiya funksioneri bildirib ki, yüz minlər, milyonlar hər zaman İlham Əliyevə dəstək verməyə hazırdır:
"Bu həm də bütün dünyaya mesajdır ki, Azərbaycan xalqı erməni vəhşiliyini unutmayıb və bütün bunu dünyada qəbul etməlidir. Bu günə qədər dəfərlərlə yüz minlik yürüşlərdə Prezident İlham Əliyev iştirak edib. Dövlət tədbirlərində hər zaman xalqın yanında olub. Xocalı yürüyüşündəki izdiham onu göstərir ki, xalq-Prezident birliyi çox güclüdür.
Prezident hər zaman açıq şəkildə bildirib ki, Azərbaycanın ərazi bütövlüyü heç zaman müzakirə mövzusu olmayacaq. Biz öz torpaqlarımızı heç zaman güzəştə getməyəcəyik. Bunu Prezident bütün beynəlxalq görüşlərində konkret şəkildə bəyan edir. "Milli Şura” rəhbərliyi, konkret Əli Kərimli bütün tədbirlərdə, anım mərasimlərində ucuz siyasi şoular yaratmağa cəhd edir. Bu adam üçün milli matəm günü olmasının heç bir fərqi yoxdur. Hamı yaxşı bilir ki, radikal müxalifətin arxasında geniş sosial baza yoxdur. Belə olan halda Ə.Kərimlinin arxasında minlər necə ola bilərdi? Kərimliyə qrantın verilməsi uzun müddətdir davam edir. Müxtəlif yollarla xarici təşkilatların ayırdığı vəsait Əli Kərimliyə çatdırılır”.
Ekspertin sözlərinə görə, Xocalı soyqırımını anma mərasimi, o cümlədən 20 Yanvar şəhidlərinin ziyarəti zamanı adam utanmadan bütün imkanlardan istifadə edib, özünün siyasi reklamı ilə məşğul olur:
"0-15 nəfərlə tədbirə qatılır və görüntü yaradır ki, guya on minlər məhz ona görə gəlir. Lakin mətbuat onu çox pis yerdə yaxaladı. Evindən 5-6 nəfərlə çıxıb tədbirə gəldiyi yerdə görüntülədi. Həttə vətəndaş yaxınlaşıb ondan soruşdu ki, niyə oğlun əsgərlik xidmətini yerinə yetirmir?! O da bunun əvəzində vətəndaşı təhqir etdi.
Özünə demokrat adı qoyan şəxsin necə cılız və dar düşüncəli olduğunu nümayiş etdirdi. Bu adam söyüş söyməyi belə özünə ar bilmir. Niyə əsəbləşirsən ki? Həqiqətən də oğlun ali təhsilinin baş vurub, İngiltərədən ABŞ-a işləməyə gedib. Niyə əsgərlik xidmətini yerinə yetirməməlidir?”.
N.Orduxanlı bildirib ki, bu məsələni ilk dəfə o ictimailəşdirib:
"Səfərvərlik Xidmətinin rəsmiləri mənə cavab verdilər ki, Əli Kərimlinin oğlu Türkel Kərimli Nəsimi rayonunda hərbi qeydiyyatdadır və onun əsgərliyə cəlb edilməsi üçün qanunla müvafiq tədbirlər həyata keçirirlər. Bu o deməkdir ki, Kərimlinin oğlu əsgərlik xidmətindən yayınır”.
İsmayıl
