Türk Hava Yollarına (THY) məxsus Kayseri-İstanbul reysini həyata keçirən Türk Hava Yollarına aid təyyarə 03.45-də sərnişin qəbuluna başlayıb.
Sherg.az xəbər verir ki, sərnişin Gediz Solgançok təyyarəyə minərkən kabin heyətinin rəisinə "Məni upgrade (Sərnişinin biletini almış olduğu sinifdən bir üst sinifə keçirilməsi) etdiniz. Təyyarəni bombalayacağıq" deyib. Bu sözləri eşidən bəzi sərnişinlər terror hücumu panikası yaşayıblar.
Bəzi sərnişinlər arasında da dava düşüb. Sərnişinlərdən bəziləri təyyarədən düşmək istəyəndə pilot vəziyyəti hüquq-mühafizə orqanlarına çatdırıb.
Gediz Solgançok saxlanılarkən təyyarə 54 dəqiqə gec havaya qalxıb. Solgançok ifadəsini verdikdən sonra mühakimə olunana qədər sərbəst buraxılıb. Kayseri Respublika Baş Prokurorluğu tərəfindən aparılan istintaq tamamlandı və Solgançoka qarşı "nəqliyyat vasitələrini qaçırma və ya saxlama" maddəsi ilə 5 ildən 10 ilə qədər həbs cəzası tələbi ilə iddia açıldı.
Kayseri 12-ci Cəza Məhkəməsində keçirilən işin ikinci iclasında müttəhim Gediz Solgançok qatılmadığı halda, vəkili məhkəmə zalında iştirak edib.
Solgançok ilk iclasda "Bunu sırf zarafat məqsədi ilə etdim. Yalnız stüardessaya dedim. Güldük və oturdum. 15 dəqiqə sonra məni polisə ifadə verməyə göndərdilər. Təyyarədən düşənə qədər nə dava, nə də mübahisə baş verdi" deyib.
"Bu vəziyyətin cinayət olduğunu bilsəydim, qətiyyən belə bir söz deməzdim" deyən Solgançok, "Dəfələrlə üzr istədim. Peşman oldum, qəsdən etmədim. Bunu zarafat və yumor üçün etdim. Bəraətimi istəyirəm" deyə bildirib.
Gediz Solgançok Türkiyə Cəza Məcəlləsinin 270/1 maddəsinə əsasən "cinayət məsuliyyətini öz üzərinə götürdüyü" üçün 1 il həbs cəzasına məhkum edilib.
Sonradan həbsdə olmayan təqsirləndirilən şəxsin məhkəmə zamanı davranışı və cəzanın onun gələcəyinə təsirləri nəzərə alınaraq yaxşı davranış üzrə güzəşt tətbiq edilib.
Solgançoka 10 ay həbs cəzası verilsə də, hökmün elanı təxirə salınıb.
