İştirak etdiyi canlı yayım zamanı xəstələnən Prof. Dr. İlber Ortaylı xəstəxanaya yerləşdirilib. Bildirilib ki, Ortaylının ayağındakı yara infeksiyalaşıb və müəyyən fəsadlar törədib.
Sherg.az xəbər verir ki, məşhur tarixçi Prof. Dr. İlber Ortaylı bir müddət əvvəl qatıldığı televiziya proqramını xəstələndikdən sonra tərk edib.
Ortaylının xəstəxanaya yerləşdirildiyi məlum olub.
Onun son səhhəti ilə bağlı açıqlama verən jurnalist Fatih Altaylı məşhur tarixçinin şəkər xəstəliyindən qaynaqlanan bəzi xəstəlikləri olduğunu və ayağındakı yaranın infeksiyalaşaraq fəsadlar törətdiyini bildirib.
“Biz də həkimlərdən xahiş etdik ki, bir müddət onu saxlasınlar, çünki o, xəstəxanadan qaçır”.
Altaylı, Ortaylının səhhətinin yaxşı olduğunu bildirib.
