“Abxaziya və Tsxinvali bölgələrinin işğalı şəraitində Rusiya-Gürcüstan münaqişəsinin sülh yolu ilə həlli yollarını axtarmaqda davam edirik”.
Teleqraf-ın yerli bürosu xəbər verir ki, bunu Gürcüstanın xarici işlər naziri Maka Boçorişvili Avropa Şurası Nazirlər Komitəsinin Lüksemburqda keçirilən sessiyasında çıxışında deyib.
XİN başçısı Gürcüstanın bu prosesdə beynəlxalq ictimaiyyətin dəstəyinə böyük əhəmiyyət verdiyini bildirib.
“Gürcüstan Rusiya işğalının ən ağır yükünü və onun dağıdıcı nəticələrini öz üzərində hiss edib. Biz müharibənin nə gətirdiyini, sülh və sabitliyin ölkəmizin və bütün regionun inkişafı üçün nə qədər zəruri olduğunu yaxşı anlayırıq”, - M.Boçorişvili söyləyib.
