“Ermənistan və Azərbaycan arasında sülh sazişi nə qədər tez imzalansa, bir o qədər tez digər regional məsələlərə diqqət yetirə biləcəyik”.
Teleqraf xəbər verir ki, bunu Ermənistan xarici işlər nazirinin müavini Vaan Kostanyan deyib.
“Mən Ermənistan tərəfinin artıq tam razılaşdırılmış sülh sazişini imzalamağa hazır olduğunu bir daha təsdiqləyə bilərəm. Gecikmələrə gəlincə, saziş nə qədər tez imzalansa, biz diqqəti bir o qədər tez regional əməkdaşlığa, regionumuzun bütün dövlətləri və xalqlarının rifahı məsələlərinin həllinə yönəldə biləcəyik”, - xarici işlər nazirinin müavini vurğulayıb.
Vaan Kostanyan Azərbaycanın iki şərt irəli sürdüyünə istinad edərək, Ermənistan tərəfinin onlarla razılaşdırılana qədər sülh sazişinin imzalanmayacağını qeyd edib.
Rəsmi Azərbaycanın müvafiq şərtlərinin Ermənistan Konstitusiyasının dəyişdirilməsi və ATƏT-in Minsk qrupunun buraxılması ilə əlaqədar olduğunu açıqlayıb.
