ABŞ Prezidenti Donald Tramp Demokrat partiyasının prezidentliyə namizədi Co Baydenla debata hazır olduğunu açıqlayıb.
"Sherg.az" APA-ya istinadən bildirir ki, bu barədə D. Tramp "Fox News"a bildirib.
"Biz debat istəyirik. Biz hazırıq. Debatlardan biri daha erkən olmalıdır (erkən səsverməyə başlamazdan əvvəl - red.), lakin biz Conun debat istəmədiyini görürük. Əgər Co saat yarımlıq debata gəlsə və sadəcə ayaq üstə dayansa, media bunu debat tarixində ən yaxşı çıxış adlandıracaq. Bunu siz də, mən də bilirik", - deyə D. Tramp qeyd edib.
Qeyd edək ki, bu il noyabrın 3-də ABŞ-da prezident seçkiləri keçiriləcək. Seçkilərdə Respublikaçılar partiyasını Donald Tramp, Demokrat partiyasını isə Co Bayden təmsil edəcək.
