"Biz Gürcüstan hökumətindən rəsmi olaraq Mixeil Saakaşvilini müalicə üçün bizə təhvil verməsini xahiş edirik".
24News.ge xəbər verir ki, bu sözləri Ukraynanın Prezident Administrasiyasının rəhbərinin müşaviri Mixail Podoliak proqramlardan birində deyib.
Onun sözlərinə görə, əgər Gürcüstan hakimiyyəti Ukrayna vətəndaşının Ukraynaya köçürülməsini zəruri hesab etmirsə, o zaman müalicə kursu keçmək üçün üçüncü ölkəyə göndərilməlidir:
"Ukrayna və prezident Zelenski konkret mövqe tutublar. Rusiya Federasiyasından fərqli olaraq, Ukrayna digər ölkələrin suveren hüquqlarına qarışmır. Ukrayna rəsmi olaraq Gürcüstan hökumətinə cənab Saakaşvilini təhvil verməyi təklif edir. Mənim Mixeil Saakaşviliyə böyük hörmətim var. O, Gürcüstan və postsovet məkanı tarixi üçün mühüm və tarixi şəxsiyyətdir. Biz Gürcüstan hökumətindən rəsmi şəkildə xahiş edirik ki, Mixeil Saakaşvilini müalicə üçün bizə təhvil versinlər. Əgər onlar Ukrayna vətəndaşının Ukraynaya təhvil verilməsini zəruri hesab etmirlərsə, o zaman onu üçüncü ölkəyə köçürün, orada o, Gürcüstanda ala bilmədiyi lazımi tibbi müalicəni alsın. Biz bunu həm diplomatik kanallar vasitəsilə tez-tez təkrar edirik, həm də prezident Zelinski bu barədə tez-tez danışır".
Podoliak, Gürcüstan hakimiyyətini tarixə qara hərflər yazmamağa çağırıb və Gürcüstana gələrək Saakaşvilini şəxsən aparamağı təklif edib:
"Mənim mövqeyimə gəlincə. Hesab edirəm ki, Gürcüstan hökuməti prezidentə qəsdən işgəncə verən tarixdə qara ləkə buraxmaq istəyir. Mən onlara bunu etməməyi tövsiyə edirəm. Rusiyanı çox bəyənən hakim partiyaya və onun deputatlarına səslənirəm, tarixdə qara hərflərlə qalmayın. Gürcü milləti kimi bir millət üçün bu qəbuledilməzdir. İstəsəniz mən şəxsən özüm gəlib onu gətirərəm, bunda problem yoxdur. Sadəcə Gürcüstan hökumətinin mövqeyini başa düşmək istəyirəm. Gürcüstan hökuməti Ukraynanın tərəfində durmaq istəmirsə, heç olmasa düzgün seçim etməlidir. Saakaşvilinin Ukraynaya və ya humanitar baxımdan üçüncü ölkəyə verilməsi Gürcüstanın özü üçün çox yaxşı olacaq", - deyə Podoliak əlavə edib.
