Belarusa səfər edəcəyi açıqlanan "Vaqner" Qrupunun rəhbəri Yevgeni Priqojin bazar günü səhər saatlarından Rostovdan ayrıldıqdan sonra ilk dəfə danışıb.
Sherg.az xarici mediaya istinadən xəbər verir ki, Rusiya ordusuna qoşulmağa razı olmadıqlarını xatırladan Yevgeni Priqojin iyulun 1-dən etibarən Vaqner Qrupunun fəaliyyətini dayandıracağını açıqlayıb.
Priqojinin sözləri Rusiyanın xarici işlər naziri Sergey Lavrovun bir neçə dəqiqə əvvəl verdiyi bəyanatları ilə ziddiyyət təşkil edir. Lavrov bildirib ki, Mali və Mərkəzi Afrika Respublikası kimi ölkələrdə fəaliyyət göstərən "Vaqner" Qrupu mövcud olmağa davam edəcək.
62 yaşlı Priqojinin üsyandan əvvəl və qiyam zamanı olduğu kimi səsli mesaj yayımladığı üçün bu dəfə də 10 dəqiqədən çox danışdığı eşidilib.
Turan
