Vaşinqton administrasiyası İranın İsrailə hücum edib-etməyəcəyi barədə məlumat verməyəcək, lakin lazım gələrsə, ABŞ ordusu yəhudi dövlətinə dəstək verməyə hazırlaşır.
Axar.az xəbər verir ki, bunu “2+2” formatında ABŞ-Avstraliya danışıqlarının nəticələrindən sonra ABŞ-ın müdafiə naziri Lloyd Ostin deyib.
“İranın İsrailə hücum etmək qərarına gəlincə, Tehranın bundan sonrakı hərəkətləri barədə spekulyasiya etməyəcəm. Ordumuzu qorumaq üçün əlimizdən gələni edirik ki, istənilsə, İsrailə kömək etmək imkanımız olsun. Gördünüz ki, qüvvələrimizin mövqelərini möhkəmləndirmək üçün bir sıra addımlar atmışıq”, - o bildirib.
