Fransanın daxili işlər naziri Cerald Darmanin iyulun 1-nə keçən gecə iğtişaşların yatırılmasında iştirak edən polis və jandarmaların sayının 45 min nəfərə qədər artırılması barədə göstəriş verib.
"Report" xəbər verir ki, o, bu barədə "TF1" telekanalının efirində bildirib.
"Dünən küçələrdə 40 min nəfər asayişi qoruyurdu. Bu gün jandarmeriyanın xüsusi təyinatlılarından, eləcə də polisin xüsusi axtarış və çevik hücum briqadasından istifadə etmək əmrini verdim", - Darmanin deyib.
