Hindistanda aylardır itkin kimi axtarılan qız mağarada tapılıb.
“Medicina” xəbər verir ki, Karivadix kəndindən olan qız hələ yazdan öz evindən çıxıb və itkin düşüb.
Aylar sonra ovçular tərəfindən təsadüfən mağarada tapılanda o, özünü qəribə aparırdı. Qız ilan kimi yerdə sürünür, fısıldayır və dilini ağzından çıxarırdı.
Qızı mağaradan çıxara bilməyəcəklərini görən ovçular kəndə və ailəsinə xəbər verir.
Ailə üzvləri də onu mağaradan çölə çıxara bilməyib.
Sonradan xüsusi dini ayin, kahin və dualar oxumaqla qızın başına paranca ataraq çıxarırlar.
Həmin vaxt hadisəni telefona çəkənlər qızın mağarada süründüyünü çəkib. Video virus kimi bütün ölkəyə yayılıb.
Dualar zamanı huşunu itirən qız bir müddət sonra ayağa qalxır. Onu arabaya qoyub aparırlar.
Bir qrup hesab edir ki, qızda psixiatrik problem var.
Onun sonrakı taleyi məlum deyil.
