İspaniya 11-12 iyul tarixlərində NATO-nun Vilnüsdə keçiriləcək sammiti ilə əlaqədar Litvaya NASAMS mobil zenit-raket komplekslərini yerləşdirəcək.
APA xəbər verir ki, bu barədə İspaniyanın Litvadakı səfirliyindən BNS-ə bildirilib.
“Biz təsdiq edə bilərik ki, İspaniya NATO-nun Vilnüs sammitinin təhlükəsizliyinə NASAMS-ın hava hücumundan müdafiə sistemlərinin köməyi ilə töhfə verir”, - səfirlikdən bildirilib. Qeyd olunub ki, mobil zenit-raket kompleksləri sammit zamanı Latviyadan müvəqqəti olaraq Litvaya köçürüləcək.
Xatırladaq ki, Almaniya da Vilnüsdə keçiriləcək sammitlə əlaqədar bu ölkəyə Patriot sistemləri yerləşdirib.
