Türkiyənin Muğla bölgəsinin Fethiye rayonunda tətildə olan və 5 gündür xəbər alınmayan danimarkalı turist Tomas Bjoerk Gaard ölü tapılıb.
Sherg.az türk mediasına istinadən xəbər verir ki, Fethiyənin Kabak körfəzində bir qrup dostu ilə düşərgə salan Danimarka əsilli Tomas Bjoerk Qaard (38) iyulun 3-də düşərgəni gəzib dolaşmaq üçün tərk edib. Saatlarla sonra geri qayıtmayanda dostları 112 Təcili Zəng Mərkəzinə məlumat verib.
Jandarma Axtarış-Xilasetmə (JAK) və Axtarış-Xilasetmə Dərnəyi (AKUT) 5 gün axtarışdan sonra qayalıq ərazidə Tomas Bjoerk Qaardın cansız cəsədini tapıb.
Gəzərkən qayalardan yıxıldığı güman edilən turistin cəsədi Fethiye Dövlət Xəstəxanasının meyitxanasına aparılıb. Hadisə ilə bağlı araşdırmalar davam edir.
Turan
