Qəzzadakı əməliyyatlar nəticəsində HƏMAS terrorçuları kütləvi şəkildə əsir düşürlər.
Axar.az xəbər verir ki, bunu İsrailin müdafiə naziri Yoav Qallant deyib.
“İsrail qüvvələri Qəzza zolağında islamçıların Cəbəliyyə və Şecayyadakı son qalalarını sıxışdırırlar. HƏMAS terrorçuları, o cümlədən 7 oktyabr hücumlarında iştirak edənlər də daxil olmaqla, kütləvi şəkildə təslim olurlar. Radikallar məhv edilməyə yaxındır. Təslim olanların sayı vəziyyəti izah edir. Bunkerlərdən çıxanda silah və yemək çatışmazlığının olduğunu etiraf edirlər”, - Qallant bildirib.
