Politoloq: Bakı üçün sülh sazişi bir nömrəli məsələ deyil
Politoloq: Bakı üçün sülh sazişi bir nömrəli məsələ deyil
09:22 31.07.2024
Siyasət
581
Ona görə də öz haqlı tələblərimizi irəli sürür, mövqelərimizdən, prinsiplərimizdən əsla geri durmuruq
Ermənistan nə vaxt sülhün özləri üçün vazkeçilməz və yeganə çıxış yolu olduğunu anlasa, o zaman İrəvan Bakının şərtlərini yerinə yetirməyə məcbur qalacaq
Rusiya Ermənistan-Azərbaycan münaqişəsinin həllində ən böyük və məhsuldar vasitəçilik təcrübəsinə malikdir. Bunu Cənubi Qafqaz üzrə ekspert, “PolitRus” ekspert-analitik şəbəkəsinin rəhbəri Vitali Arkov deyib. O bildirib ki, mehriban qonşuluğu bərpa etmək üçün Bakı və İrəvan bütün imkanlardan yararlanmalı və müxtəlif platformalardan vasitəçilik təkliflərini qəbul etməlidirlər:
“Nəzəri cəhətdən birbaşa dialoq qoyulmuş məsələnin həllini yaxınlaşdırır. Amma praktikada biz eyni Avropa bürokratiyasının və ya demokratik ABŞ administrasiyasının birtərəfli mövqeyini və qərəzli münasibətini görürük ki, bu da sülhyaratma baxımından tamamilə qəbuledilməzdir; hələ indiki halda Fransa rəhbərliyinin Azərbaycana qarşı açıq düşmənçilik siyasəti və Ermənistanı hərbi münaqişəni yenidən başlamağa təşviq etməsi də göz önündədir”. Arkov qeyd edib ki, Bakının Moskvanın təklifinə müsbət reaksiyası tamamilə məntiqli və başadüşüləndir: “Azərbaycan gözləyir ki, Rusiyanın iştirakı ilə Ermənistanla danışıqlar növbəti dəfə konkret mühüm nəticələrə gətirib çıxaracaq. Nəhayət, sülh müqaviləsi imzalanacaq. Bu isə öz ölkələri ilə yanaşı, həm də qonşularının inkişafı üçün geniş imkanlar açacaq”. Gürcü politoloq Gela Vasadze deyib ki, Ermənistan 44 günlük müharibədə silahlarının böyük hissəsini itirib və indi öz hərbi potensialını bərpa etməyə çalışır: "Başqa bir sual ondan ibarətdir ki, onlar bunun üçün düzgün vaxtı seçiblərmi? Mən şübhə edirəm. Söhbət sülh müqaviləsinin imzalanmasından gedir ki, onlar Azərbaycanla sülh bağlamağa heç vaxt bu qədər yaxın olmayıblar. Amma ümumilikdə onlar güclü orduya sahib olmaq istəyirlər”. ABŞ-nin Qafqaz danışıqları üzrə baş müşaviri Lui Bono da vurğulayıb ki, Cənubi Qafqazın sosial və iqtisadi potensialını açacaq sülh sazişini imzalamağın vaxtı çatıb.
Politoloq İlqar Vəlizadə "Sherg.az"a deyib ki, Azərbaycan və Ermənistan arasında sülh sazişinin imzalanması artıq prioritet deyil. Çünki tərəflərin yanaşmaları hələ də çox fərqlidir. Ekspert bildirib ki, fərqli yanaşmaları yaxın dövrdə aradan qaldırmaq, bir-birinə yaxınlaşdırmaq heç də asan deyil, əksinə, kifayət qədər mürəkkəbdir:
"Digər tərəfdən, Cənubi Qafqazda gedən proseslər dünyada yaşananlarla, qlobal miqyasda baş verənlərlə birlikdə cərəyan edir. Yəni proseslər bir-birinə bağlıdır. Dünyanın bir neçə bölgəsində seçki marafonuna ciddi hazırlıq gedir. Həm Avropa İttifaqında, həm də qitənin aparıcı ölkələrində - Böyük Britaniyada, Fransada seçkilər keçirilib. Eyni zamanda ABŞ-də seçkilər olacaq. Seçkilərdən sonra dünyada müəyyən siyasi palitra formalaşacaq. Yeni dönəmin siyasi liderləri tərəfindən aktual məsələlərin həlli ilə bağlı yeni təkliflər irəli sürüləcək. Düşünürəm ki, Cənubi Qafqaz gündəmi ilə bağlı da müəyyən təkliflər olacaq".
Analitikin fikrincə, hazırda dünyanın diqqəti Rusiya-Ukrayna müharibəsində və Yaxın Şərqdə baş verənlərdədir:
"Böyük ehtimal bu problemlərin həlli müəyyən formada həllini tapdıqdan sonra nəzər və diqqət Cənubi Qafqaza, Azərbaycan-Ermənistan arasındakı sülh prosesinə yönələcək. Əslində, Bakı üçün də sülh sazişi bir nömrəli məsələ deyil. Azərbaycan öz istədiklərinə böyük ölçüdə nail olub. Ona görə də öz haqlı tələblərimizi irəli sürür, mövqelərimizdən, prinsiplərimizdən əsla geri durmuruq. Ermənistan nə vaxt sülhün özləri üçün vazkeçilməz və yeganə çıxış yolu olduğunu anlasa, o zaman İrəvan Bakının şərtlərini yerinə yetirməyə məcbur qalacaq. Dünyanın aparıcı oyunçuları belə Azərbaycanın mövqeyinə təsir göstərə bilməz".
Oxşar xəbərlər
Xəbər lenti
Hamısına bax
“Qalatasaray” “Samsunspor”u məğlub edərək yeni rekorda imza atıb
19:23 21.11.2026
Futbol
Türkiyədə zəncirvari qəza: 14 nəfər yaralandı
19:03 21.11.2026
Hadisə
Aktrisa boşandığı həyat yoldaşı ilə yenidən bir arada - FOTO
18:51 21.11.2026
Şou
Zelenski: ABŞ Ukrayna və Rusiya ilə yeni danışıqlar planlaşdırır
18:36 21.11.2026
Dünya
Kral III Çarlz Türkiyəyə COP31-ə ev sahibliyinə görə təşəkkür etdi
18:32 21.11.2026
Aktual
Qazaxda kişi dəm qazından boğularaq ölüb
18:21 21.11.2026
Hadisə
Daha bir Vətən müharibəsi qazisi əmək qabiliyyətini bərpa edib
18:03 21.11.2026
Cəmiyyət
Tramp Putinin də G20 sammitində iştirakını gözləyir
17:45 21.11.2026
Dünya
ABŞ Rusiyada doğulan şəxsi deportasiya etmək istəyir
17:43 21.11.2026
Dünya
“Şəfa” “Qəbələ”yə qarşı, “Turan Tovuz”dan qələbə - Yenilənir
17:26 21.11.2026
Futbol
“Turan Tovuz” azlıqda “Şamaxı”ya qalib gəldi
16:42 21.11.2026
Futbol
Küləkli hava şəraiti ilə bağlı SARI XƏBƏRDARLIQ verilib
16:28 21.11.2026
Ekologiya
Polşa NATO-nun 4-cü maddəsini işə salmağı nəzərdən keçirir
16:26 21.11.2026
Dünya