Belarus prezidenti Aleksandr Lukaşenko seçkilərdən sonra yeddinci prezidentlik müddətinə başlayıb. Minskdə keçirilən andiçmə mərasimində çıxış edən Lukaşenko Rusiya ilə münasibətləri yüksək qiymətləndirərək, sürgündə olan müxalifətin “gələcəyi olmadığını” iddia edib.
Sherg.az xəyər verir ki, yanvarda keçirilən prezident seçkilərindən sonra vəzifəyə başlayan və müxalifət tərəfindən “fırıldaqçı” kimi qiymətləndirilən Lukaşenko mərasimdəki çıxışında ölkəsinin sabitliyini qorumaq əzmini vurğulayıb.
“Belarus Respublikasının Prezidenti kimi and içirəm ki, belarus xalqına sədaqətlə xidmət edəcəyəm, şəxsiyyətin və vətəndaşın hüquq və azadlıqlarına hörmətlə yanaşacağam və müdafiə edəcəyəm, Belarus Respublikasının Konstitusiyasına riayət edəcəyəm və qoruyacağam”, - Lukaşenko deyib.
Lukaşenko mühacirətdə olan Belarus müxalifətinə sərt mesajlar verib: "Sən bizə əlimizdə olanı qorumağı və qiymətləndirməyi öyrətdin. Xalq hər şeyi görür. Sizin heç bir dəstəyiniz yoxdur və olmayacaq. Sizin birliyimizə qarşı çıxacaq heç bir şeyiniz yoxdur".
Müxalifəti ölkəyə qarşı sanksiyaları təşviq etməkdə ittiham edən Lukaşenko deyib: "Vətəni qrantlara satan sizlərə sayənizdə biz gücləndik. Siz bizim dincliyimizi təhlükəyə atdığınız halda, biz onu müdafiə edirik. Siz öz ağalarınızdan sanksiyalar, bombalar üçün yalvardığınız halda, bizim rifahımızı təmin edirik".
Lukaşenko Belarusun böyük bir geosiyasi böhran astanasında olduğunu iddia edərək qlobal hadisələrə də toxunaraq, "Dünya sarsılır. Bir böhran sürətlə digərinin ardınca gedir. Qaynar nöqtələr artır. Ətrafımızda gərginlik artmaqdadır. NATO qoşunları qapımızın ağzındadır və Belarusun münaqişənin qarşısını almaq üçün əlindən gələni edir" deyib.
Belarusun tək olmadığını bildirən Lukaşenko, ölkəsinin beynəlxalq dəstək aldığını da əlavə edərək, "Xoşbəxtlikdən bizim çoxlu dostlarımız və müttəfiqlərimiz var. Qardaş Rusiya, Böyük Çin, Müstəqil Dövlətlər Birliyi, Şanxay Əməkdaşlıq Təşkilatı, BRİKS kimi təşkilatlardakı tərəfdaşlarımız... " deyə bildirib.
