ABŞ prezidenti Donald Tramp "TikTok" sosial şəbəkəsinin ölkədə fəaliyyətinin 75 gün uzadılması haqqında fərman imzalayıb.
Trend-in məlumatına görə, bu barədə ABŞ prezidenti "Truth Social" sosial şəbəkəsində yazıb.
"Administrasiyam TikTok-u xilas etmək üçün razılaşma üzərində çox işləyir və biz çox böyük irəliləyiş əldə etdik. Müqavilə bütün lazımi icazələrin alınmasını təmin etmək üçün əlavə iş tələb edir. Buna görə TikTok-un fəaliyyətinin daha 75 gün davam etməsi üçün fərman imzalayıram", deyə o bildirib.
"Biz TikTok-un fəliyyətinin dayandırılmasını istəmirik. Müqaviləni yekunlaşdırmaq üçün TikTok və Çin ilə əlaqə qurmağı səbirsizliklə gözləyirik", - deyə D.Tramp əlavə edib.
