Milyarder Mark Zukerberq ABŞ paytaxtının ən bahalı evlərindən birini alıb.
Axşam.az xəbər verir ki, Zukerberq Vaşinqtonun ən bahalı evlərindən birinə sahibdir. Dünyanın ən zəngin insanlarından biri olan iş adamının bu addımı heç kimi təəccübləndirməyib.
“Politico” qəzeti yazır ki, Mark Zukerberq və həyat yoldaşı Priskilla Kolumbiya rayonunda malikanə alıblar və milyarder oradan tez bir zamanda şəhərə çata biləcək. İnsayderin dediyinə görə, malikanə iş adamına 23 milyon dollara başa gəlib. Müqavilə Vaşinqtonda üçüncü ən böyük sazişdir. 1400 kvadratmetrlik malikanə prestijli "Woodland-Normanstone" ərazisində yerləşir. Bu, cəmi 160 evlə mahalın ən kiçik və ən bahalı məhəllələrindən biridir.
Məlumdur ki, Zukerberq bir çox daşınmaz əmlaka malikdir. Onun Havay, Palo Alto, Kaliforniya və Tahoe gölündə malikanəsi var.
