Astral səyahət və yadplanetlilərlə bağlı açıqlamalarıyla gündəmi zəbt edən türkiyəli müğənni Yusuf Güney təəccüblü paylaşımlarını davam etdirir. “Sherg.az” “Milliyet.com.tr”yə istinadən qeyd edir ki, müğənni bu dəfə “təmizlənmək üçün” Amazon meşəsinə getdiyini elan edib və tətildən foto və videolar paylaşıb.
Yusuf Güney 2008-ci ildə məşhur müğənni Rafet El Romanla duet oxuduğu "Aşkı Virane" mahnısı ilə məşhurlaşıb. Bu yaxınlarda Amazon meşəsinə gedən Yusuf Güney Türkiyəyə qayıdan kimi TV8-də qatıldığı “Gel Konuşalım” verilişində maraqlı açıqlamalar verib. Proqrama qonaq olan Yusuf Güney “İnsan dəyişikliyi yaşayanda hər şeyə açıq olmalıdır. Hər şeyi yaşayacaqsınız. Həyat, yaşamaq, dünya bir tarladır. Nə əksən onu biçərsən. Tarix boyu diqqət yetirin, bütün mütəfəkkirlər, hər kəs həyatda qəribə şeylər yaşadı. Elmlərinin çoxunu çatdıra bilməyərək dünyadan köçdülər. Biz insanlar olaraq bu dünyanı heç vaxt tərk edə bilməyəcəyik. Özünü dəyişirsən”, deyib. Yusuf Güney əvvəlki astral səyahət haqqında belə izah verib: “Astral səyahətə çıxmayın. Astral proyeksiya bildiyiniz kimi deyil. Kitabın son səhifəsindən başladığımız üçün bütün izləyicilərimizdən üzr istəyirəm. Əslində, biz üç bədəndən ibarətik. Fiziki üçölçülü bədənimiz, astral bədənimiz, üçüncüsü isə ölümdən sonra ilahi ruhumuzdur. İnsan bəzən müəyyən yuxu vəziyyətlərində astral bədəninə girə bilər. Astral səyahətə 5 və ya 10 il sərf etsəniz belə, müəyyən kriteriyalar yerinə yetirilmədikcə bunu edə bilməzsiniz”. Yadplanetlilərdən danışan Güney, "Bizdən başqa çoxlu varlıq var. Onların varlığından indi əmin oldum. Yadplanetlilər gerçəkdir, kərtənkələyə oxşayırlar. Qalaktik razılaşma var. Onlar heç vaxt hər şeyi 100 faiz edə bilməzlər. Onlar heç vaxt insan yarada bilməyəcəklər" deyib. "İlin əvvəlində demişdim ki, saxta yadplanetlilərin hücumları olacaq. Deyirdim ki, insanları xəbərdar etməliyəm. Çünki yadplanetlilər bizi ciddiyə almır", söyləyən müğənni "görmək nisbidir, tezlikdir. İnsan hər zaman öz düşüncələrindən ibarətdir. Hiss çox fərqli bir şeydir. Bəziləri bunu hiss edir. Mən peyğəmbər deyiləm, əslində, heç nə bilmirəm. Çağımızın ən böyük xəstəliyi gözləməkdir. Hər kəs hər şeydən nəsə gözləyir. Təbiətdə inanılmaz şeylər var, hər şey gizlidir", söyləyib. Peru bayramından da bəhs edən müğənni "insan kompüter kimidir. İnsan özünü sıfırlamalıdır. Hər zaman eyni xaotik vəziyyətlərdə yaşaya bilməzsən. Yuxularımda görmüşdüm deyə Peruya getdim. Tibetə də belə getdim. Bunu öyrənmək üçün etdim" deyib.
