Moldovada hakim Fəaliyyət və Həmrəylik Partiyası (FHD) parlament seçkilərinin sentyabrın 28-də keçirilməsini təklif edib.
“Report” xəbər verir ki, bu barədə ölkə parlamentinin sədri İqor Qrosu sosial şəbəkədə yazıb.
“Bu gün biz FHD deputatları ilə birlikdə parlament seçkilərinin sentyabrın 28-də keçirilməsini təklif edən qərar layihəsini qeydə aldıq”, - o qeyd edib.
Qrosunun sözlərinə görə, bu, ölkə tarixində həlledici seçki olacaq. Artıq məsələ parlamentin aprelin 17-də keçiriləcək iclasının gündəliyinə daxil edilib.
“Bu seçki həqiqətən həlledicidir. Ya biz hamını qovacağıq, Avropanın modernləşmə yolunda əldə etdiyimiz hər şeyi məhv edəcəyik və Avropa İttifaqına daxil olmaq şansını tam əngəlləyəcəyik, ya da inkişaf və sülh yolu ilə irəliləyəcəyik”, - o qeyd edib.
