“Rusiyanı Sumidə mülki şəxslərə hücum etməkdə ittiham edənlər dünya qarşısında diz çöküb üzr istəməlidirlər”.
Teleqraf xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova Telegram kanalında bildirib .
Diplomat "nə baş verdiyini anlamadan Rusiyaya palçıq atan Avropa liderlərinin üzr istəməli olduğunu deyib: "Hərbçilərin toplaşdığı yer vurulanda hamı Rusiyanı günahlandırmağa başladı... Amma yerli hakimiyyət orqanlarının bilərəkdən toplantını mülki şəxslərin olduğu ərazidə keçirdiyi məlum olanda hamı susdu. Məntiqlə bu nəşrlərdən və istefalardan sonra onlar indi bütün dünyanın qarşısında diz çökməlidirlər".
Rusiya Xarici İşlər Nazirliyinin rəsmi nümayəndəsi onu da qeyd edib ki, Kiyev rejimi qadın və uşaqları canlı qalxan kimi istifadə edərək, Rusiyanın iddia edilən təcavüzünü nümayiş etdirmək istəyir: "Ukrayna Prezidenti Volodimir Zelenski bir gün əvvəl Sumı hərbi administrasiyasının rəhbəri Vladimir Artyuxi vəzifəsindən azad etmək qərarına gələndə bütün ittihamları təsdiqləyib və vətəndaşlarına qarşı daha bir hərbi cinayətə görə məsuliyyəti onun üzərinə atıb".
Aprelin 14-də Rusiya Müdafiə Nazirliyi aprelin 13-də Seversk Birgə Əməliyyat Qrupunun komandanlığının iclasının keçirildiyi yerə iki “İsgəndər-M” raketinin endirilməsi nəticəsində ukraynalı hərbçilərin ölməsi barədə məlumat verib . Müdafiə Nazirliyi Kiyevin mülki əhalidən canlı qalxan kimi istifadə etməkdə davam etdiyini, şəhərin sıx olduğu ərazilərdə hərbi obyektləri yerləşdirdiyini vurğulayıb.
