"Rusiya prezidenti Vladimir Putinlə iki saatlıq söhbəti indicə bitirdim. Məncə, çox yaxşı keçdi. Rusiya və Ukrayna dərhal atəşkəs və ən əsası müharibəyə son qoyulması üçün danışıqlara başlayacaq".
Teleqraf xəbər verir ki, bunu ABŞ Prezidenti Donald Tramp belə deyib.
ABŞ rəhbəri deyib: "Danışıqlar üçün şərtlər hər iki tərəf tərəfdən bacardıqca razılaşdırılacaq, çünki onların danışıqlarla bağlı bildikləri detalları ın başqa heç kim bilmir. Söhbətin tonu və ruhu əla idi".
D.Tramp bildirib ki, Rusiya bu qanlı müharibəni bitdikdən sonra ABŞ ilə genişmiqyaslı ticarət aparmaq istəyir: "Mən buna razıyam. Rusiyanın çoxlu sayda iş yerləri və sərvət yaratmaq üçün böyük imkanları var. Onun potensialı HÜDÜDSUZDUR. Eyni zamanda, Ukrayna öz ölkəsini yenidən qurarkən ticarət sahəsində böyük bir benefisiar ola bilər".
ABŞ Prezidentinin sözlərinə görə, Rusiya ilə Ukrayna arasında danışıqlar dərhal başlayacaqş
D.Tramp rusiyalı həmkarı ilə danışığı barədə Ukrayna Prezidenti Vladimir Zelenskini, Avropa Komissiyasının sədri Ursula fon der Leyeni, Fransa Prezidenti Emmanuel Makronu, İtaliyanın Baş naziri Cocia Melonini, Almaniya kansleri Fridrix Mersi və Finlandiya Prezidenti Aleksandr Stubbu məlumatlandırıb.
