Türkiyə və Gürcüstanın paytaxtları –Ankara və Tbilisi şəhərləri arasında birbaşa aviareyslər bərpa olunub.
APA-nın yerli bürosu xəbəri verir ki, “Türk Hava Yolları”nın törəməsi olan aşağıbüdcəli “A Jet” şirkəti ilk Ankara-Tbilisi reysini yerinə yetirib.
Gürcüstanın Hava Limanları Assosiasiyasından bildirilib ki, aviaşirkət Ankara-Tbilisi-Ankara marşrutu üzrə həftədə dörd reys həyata keçirəcək.
İlk reysin sərnişinləri arasında Gürcüstanın Türkiyədəki səfiri Arçil Kalandiya və “A Jet” şirkətinin baş direktoru Kerem Sarp da olub.
