“Ermənistanda Robert Köçəryandan daha mənfi reytinqə və ya toksik (zəhərli) imicə malik siyasi lider yoxdur”.
Teleqraf xəbər verir ki, bu barədə Ermənistanın Respublika partiyasının sədri Aram Sərkisyan deyib.
Onun sözlərinə görə, 2018-ci ildə Baş nazir Nikol Paşinyan əslində Serj Sərkisyanı yox, məhz Robert Köçəryanı devirib.
“Hətta Köçəryanın sifariş verdiyi sorğular belə bunu təsdiqləyir: ən toksik şəxs elə odur. Niyə Robert Köçəryanın dairəsindən və eyni rusiyapərəst kontekstdə olan siyasi qüvvələr söyləyirlər ki, namizədliyini irəli sürmə? Məhz buna görə. Çünki Robert Köçəryan ən toksik fiqurdur. 2018-ci il inqilabı daha çox Köçəryana qarşı idi, nəinki Serj Sərkisyana qarşı.
Məhz o yanaşmalara qarşı idi. Ona görə də deyirlər ki, seçkilərdə iştirak etmə, çünki sən öz şəxsiyyətinlə, imicinlə seçiciləri səsvermədən uzaqlaşdırırsan”, – Aram Sərkisyan vurğulayıb.
