Türkiyə minlərlə "Skydagger" kamikadze dronunu tanınmamış Kosovo respublikasına köçürməklə BMT nizamnaməsini pozur.
Teleqraf xəbər verir ki, bu iddia ilə Serbiya Prezidenti Aleksandar Vuçiç özünün X sosial media səhifəsində çıxış edib.
"Türkiyənin davranışından, BMT nizamnaməsini və BMT Təhlükəsizlik Şurasının 1244 saylı qətnaməsini kobud şəkildə pozmasından, həmçinin Priştina hakimiyyətini silahlandırmaya davam etməsindən dəhşətə gəlirəm. İndi tamamilə aydındır ki, Türkiyə Osmanlı İmperiyasını bərpa etmək arzusundadır", - Serbiya lideri bildirib.
Oktyabrın 8-də Kosovonun Baş naziri Albin Kurtin türk pilotsuz təyyarələrinin ölkəyə çatdırıldığını açıqlayıb. Onların təhvil verilməsi əvvəlcə gələn ilin yanvarına planlaşdırılsa da, daha tez başa çatdırılıb.
Kosovonun Baş naziri Albin Kurti daha öncə qeyd edib ki, ölkəsi Türkiyə ilə əməkdaşlıq çərçivəsində sursat istehsalı zavodu və PUA-ların inkişafı üçün laboratoriya inşa edəcək.
"Biz hələ də Kosovanı ərazisinin bir hissəsi hesab edən qonşu Serbiyanın istənilən təhlükəsinə qarşı hazır olmalıyıq. Yaxşı silahlanmış qüvvələrimiz tam döyüş qabiliyyətini və ümumi müqaviməti təmin etməlidir”, - Baş nazir deyib.
