ABŞ-ın keçmiş dövlət katibi Hillari Klinton gələnilki seçkilərdə Trampa qalib gələ biləcəkmi?
Son zamanlar dünya mediası bu mövzu ətrafında müzakirələr aparır.
Rusiyanın RT saytı bir neçə ekspertə müraciət edərək, Klintonun şansının nə qədər ola biləcəyi barədə rəy öyrənib.
Ekspertlər bildiriblər ki, Hillari Klinton prezidentlik yarışına girərsə, bundan ən çox Co Bayden əziyyət çəkəcək, beləliklə, tərəfdarlarının, demək olar ki, yarısını itirəcək.
Klinton isə artıq 2020-ci il seçkilərində iştirak etməyi düşündüyünə işarə edib. O, PBS-yə verdiyi müsahibədə yenidən prezidentliyə namizəd olmaq qərarına gəlsə, Trampı məğlub edəcəyini deyib.
Mütəxəssislər hesab edir ki, Demokratik Partiyanın indiki prezidentə qarşı çıxara biləcəyi inamlı namizədi yoxdur. Ancaq Klintonun da mübarizəyə daxil olması bu vəziyyəti düzəldə bilməyəcək.
