Rusiya elə səviyyədə sanksiyaların təsirini hiss etməlidir ki, artıq gələn il müharibə olmasın.
Axar.az xəbər verir ki, bunu Ukrayna Prezidenti Vladimir Zelenski axşam müraciətində bildirib.
“Əsas kəşfiyyat orqanlarının vacib hesabatları oldu. Düşmənin iqtisadi itkiləri həqiqətən də hiss olunacaq dərəcədədir. Daha da çox hiss olunacaq. Dünyada bizə kömək edən hər kəsə təşəkkürümü bildirmək istəyirəm. Hazırda elə bir məqamdır ki, Rusiyaya təzyiq göstərmək lazımdır, elə təzyiq göstərmək ki, artıq gələn il müharibə olmasın”, – deyə o vurğulayıb.
Onun fikrincə, Rusiya başa düşməlidir ki, bu vəziyyəti sadəcə səbir edib keçmək mümkün olmayacaq, sanksiyalar onların potensialını həqiqətən əllərindən almalıdır.
