ABŞ Dövlət katibi Marko Rubio və Prezident Donald Trampın xüsusi nümayəndəsi Stiven Uitkoff aprelin 16-18-də Fransanın paytaxtı Parisdə Avropa ölkələrinin nümayəndələri ilə Ukrayna böhranının həlli yollarını müzakirə edəcəklər.
Teleqraf xəbər verir ki, bu barədə ABŞ Dövlət Departamenti məlumat yayıb.
“Rubio və Uitkoff Parisdə Avropa tərəfdaşları ilə danışıqlar aparacaqlar. Məqsəd Prezident Trampın qarşıya qoyduğu hədəfə, qan tökülməsinin dayandırılmasına nail olmaqdır,”- o qeyd edib.
Görüşlər zamanı həmçinin regionda ortaq maraqların irəlilədilməsi yollarını da müzakirə ediləcək.
