Böyük Britaniya və Şimali İrlandiya Birləşmiş Krallığının Azərbaycan Respublikasındakı fövqəladə və səlahiyyətli səfiri Ceyms Şarp 28 May - Müstəqillik Günü münasibətilə Azərbaycanı təbrik edib.
O, bu barədə “Twitter” hesabında paylaşım edib.
“Azərbaycan xalqını Müstəqillik Günü münasibətilə təbrik edirəm! Bu il biz həm də Böyük Britaniya ilə Azərbaycan arasında diplomatik əlaqələrin qurulmasının 30 illiyini qeyd edirik. Xalqlarımız arasında mövcud dostluq münasibətlərini və ölkələrimizin hərtərəfli əlaqələrinin bundan sonra da güclənməsini diləyirəm!”, – deyə səfir bildirib.